Kung mayroon ka ng mga sumusunod na sintomas, mag-patingin sa iyong doktor.
1. May bukol sa suso, kahit gaano kaliit.
Mga 10% ng mga kababaihan na may bukol sa dibdib ang nagkakaroon ng kanser. Minsan, normal na may mga bukol sa suso na nagsama-sama (tinatawag na fibroadenoma), o kung minsan ay cyst lamang.
Karaniwan na nagkakaroon ng mga maliit na bukol kung parating na ang regla. Pero kung hindi ka sigurado sa sanhi ng bukol, kinakailangan magpatingin sa surgeon o doktor. Dahil ang pangunahing sanhi ng pagkamatay ng babae sa kanser ay breast cancer.
2. Abnormal na pagdurugo.
Maraming bagay ang nakaka-epekto sa regla ng babae, tulag ng pagbaba ng timbang, sobrang ehersisypo at stress. Madalas na kusa itong bumabalik sa normal at hindi na kailangan gamutin.
Ngunit kung ang iyong dalaw ay patuloy na hindi regular, malakas o mas tumatagal ang pagdurugo, dapat ng kumonsulta sa OB-Gyne . Kung may pagdurugo pagkatapos ng pagtatalik, o sa pagitan ng iyong regla, magpa check-up din. Kung naranasan ang pagdurugo pagkatapos mag-menopause, maari isa itong tanda ng kanser.
3. Hindi normal na discharge
Ang normal na discharge mula sa pwerta ay malinaw o puti ang kulay at walang amoy. Pero kung ang discharge ay kulay dilaw, brown o pula, at may mabahong amoy, maaring tanda ito ng mga sakit.
Ang kadalasan dahilan ng mga ganitong discharge ay impeksiyon tulad ng bacterial vaginosis o thrush, at mga STD tulad ng chlamydia, gonorrhea, herpes o trichomoniasis.
Kung hindi magamot ang STD ay maaring humantong ito sa pelvic inflammatory disease impeksiyon sa reproductive organs, na maaring maging malubha at mawalan ng kakayahan na magbuntis ang babae.
Posible din na kanser sa cervix (kwelyo ng matris) ang dahilan ng abnormal discharge. At agad kumonsulta sa OB-Gyne.
Tags
Health